Kleinkunst: Lat mie maar lopen

Lat mie maar lopen
(Willem Vermandere)
'k moest heel mijn jong leven studeren
en 'k wierd computerspecialist
'k kost het zodanig programmeren
totda' 'k van toeten noch blazen meer wist
bievoorbeeld hoeveel mocht ik eten
sta mijnen buik nog niet te bol
mijnen computer kost dat weten
de stand van mijnen colesterol

Refr. : 
lat mie maar lopen langs de straete
ik en mijn lief da' 'k zo geiren zie
en dansen doen we tot 's avonds laete
en dichte vrijen ik en zie

ik had een huis 't was een kasteeltje
met vast tapijt en sjiek behang
mijn moeder zei 't is een juweeltje
en 'k peisde 'k ik 't is mijn gevang
wil j' u electrisch installeren
zoek je nen diepvries of nen frigo
deur 't feit da' 'k ik mie nie moe scheren
krijg je mijn scheermachien cadeau

Refr.

mijn caravanne ga 'k verkopen
en mijne velo is hersteld
ik lere were te voete lopen
de côte d' azur is afbesteld
voor mijne verjaardag 'k mag nie stoefen
krijg ik en 't is heel binnenkort
een schoon paar nieuwe beste kloefen
'k ga nie meer mee op wintersport

Refr.

nu kweek ik zwijns en 'k kweeke schapen
en 'k steeke keuns in 't hondekot
'k zaai mijn pelouse vol met rapen
voor 't naaste winter in den hutsepot

Refr.